13 nov Ut jespann op der boek
Voor wie het nog niet weet: ik zing bij het Venloos Gemengd Koor Zanglust. Het afgelopen jaar hebben wij hard gewerkt aan de Messe Solennele Sainte Cecile van Charles Gounod. Op het Caeciliafeest van 15 november jongstleden heb ik een poging gedaan om dit te verwoorden. En omdat onze muzikale leiding uit het Zuid-Limburgse Kerkrade komt lag een reisverslag voor de hand. Het taalgebruik is een mix van Kerkraads, Tegels, Venloos en alles wat daarbij in de buurt komt.
Ich neem uch gaer mei op un reis die weej ut aafgelaope jaor gemak hebbe op waeg nao un succesvol concert op 11 oktoeber jongsleje.
Ut jespann op der boek
Dr immer galante Hans hulp zien ozo belangrieke medekoetser Marielle ut rijtuug van ut venloos gemink koer zanglus te beklumme. En geluif ut maar, vur Marielle is det un hiele prestatie. Baove op der boek kieke ze nao eur raspaerdjes. Enne, wat dink ze der van zaet Hans. Jao fluustert Marielle, ich hub der waal vertroewe in. We vorme un good team um dees reis toet un good indj te bringe. Ich dink ut auch, zaet Hans. Reserve-koetser Peter Kleine Schaars haet ongertoese ut janze polizei-orchester in de koets gewurmp. Alle instrumente zien in de aanghangwaage gesjtouwd en sjteevig vasgebonge um dees reis te euverlaeve. Allee hop, zaet Hans en dao gaon ze.
Aanvankelik gaeve de rustige rosse ut tempo aan. Moeiteloos wuurd den auch ut ierste gedeilte van de reis Kirchraoj-Haele gehaold. Den nimp Marielle de teugels euver op waeg nao Sittard. Auch gen inkel probleem. De paerdjes kriege unne eimer water, Hans en Marielle gaon piknikke en der polizei zuk un leuk terras. Den is ut wir tied um verder te trekke. Beej Remunj kiek Hans tevreeje nao Marielle. Ze hebbe der ech zin in he, os raspaerdjes. Det letste sjtuk nao de Maaspaort in Venlo motte we mekkelik binne de tied haole. Dink ze, zaet Marielle, ich hub nag get twiefels. Zuus ze dao veuraan die hitsige hingsten, die motte we get tempere. Want die meuge merries heej achteraan kenne ut nimmer beejbeine. Haaj de teugels sjtevig vas, ut wuurd auch drukker op de waeg now.
Kiek oet vur dae dieke sjtein, rup Marielle. Diej knullige knollen auch. Altied aan ut klessebesse, zonger op de waeg te lette. Beej oppeReuver wuurd nag un extra pauze ingelas. Gelokkig is der beej de Polizei auch ein perdefluusteraer. Sommige paerdjes motte met get leeve waordjes opgemonterd waere. Allee, weej zien der bijna. Vur ut letste sjtuk guuf Hans Marielle de teugels euver en velt direk in sjlaop. Hae druimp net van unne volle Maaspaort en un entree onger applaus, as hae ruuw wuurd wakker gesjud. Wat is der aan de hank,vruug hae. We gaon sjtapvoets zaet Marielle, zoe komme we noets op tied. Det zien die tegelse netuurlik, zaet Hans, die ruuke de sjtal. Met inkele ferme tikke van de zweep, waere de waerse Pannekletsers gekorrigeerd.
En persies op tied komme ze aan beej de maaspaort. Ut sjpel ken van de waage en de augs ken waere binnegehaold. Jao, ut is un jood jespann.