27 sep HOËG BEZEUK IN D’N INGELBEWAARDER
Neemus minder den ZHH Johannes De Beste Onger De Daekes makde gister zien opwachting in ut centrum van Tegelen. Naodet un kleine sjare volgelinge ziene rink had gekös, kôs um 15 oor 37 de vergadering woore ge-eupend. Onger ut motto van de jôngste kwatser Tamara (erzählen Sie Alles und vergessen Sie keine Details) volgt heej ut bepaold neet nauwkeurige versjlaag van dees beejeinkoms.
Alleriers veel op det de mooder van Tamara (ich zal ziene naam neet neume) las had van ontwenningsversjiensele. Ut zoot maar wet zenuwechtig met ut burdje ‘gereserveerd’ te sjpeule. De reeje heejvan is, beste laezer, det ut leever un toetseburdje in zien vingers haet. Zoeas Luukie Luuk sjneller sjuut as zien sjaaduuw, zoe tiep Ria sjneller ut antwaord den dow dien vraog haes gesjtelt. Maar um now van un verzlaaving te sjpraeke geit mich te wiet.
Det gefrunnik met die burdjes ging aug ut perseniel te wiet. Toen alle töfelkes waare bezet, noome zeej de burdjes in. Euver ut perseniel trouwus niks den lof, huur. Ut ontbrook os aan niks. En weej mochte vree-oet kwatse. Det waas gen Inkel probleem. Waal mos der aaf en toe ingegreepe waere. Den keek ZHHJDBODB sjtreng de boosdoener aan, waorop zeej twie minute in ein of anger hukske toet bezinning kos komme. Ut zaegene is os gelökkig besjpaard gebleeve. Dae burstel kens ze thoes laote, Jo. Der makde trauwus eemus un opmerking det Jo as linksboëte beej de Passiesjpeule auch neet sjlech oet de verf zoel komme. Maar of we det seerieus motte neemuh, weit ich neet. Want auch ut verhaol van de zeskantige appels veel niet wiet van de baum. En det zien taekeninge door de muus waere aangevraete. Allemaol kwats.
Nae, gaef mich den maar Truus en Truus. Twie sjatte van maedjes. Ein haet ut op de heupe en klaag absoluut neet. En de anger lach en zump taegelik. Asse good keeks zoog ze unne raegenbaog in zien auge. Of heb ich det allein maar gezeen.
Toen ich wakker woord was allein Peter nag euver en mos ich aafraekene. Twie koffie en twie pils. Mesjien eine tevuul. Of heb ich get gemis??